Pakistanda sərnişin qatarı relsdən çıxdı: Ölənlər və yaralananlar var- VİDEO

Pakistanın Multan şəhəri yaxınlığında ağır dəmir yolu qəzası baş verib.

hadiseler.info xarici KİV-ə istinadən xəbər verir ki, Karaçidən Peşəvara gedən “Rehman Baba Express” sərnişin qatarı Şer-Şah körpüsü yaxınlığında relsdən çıxıb.

İnsident nəticəsində qatarın bütün 14 vaqonu relslərdən çıxaraq devrilib. Faciə zamanı azı 5 nəfər həlak olub, 30 nəfər isə müxtəlif dərəcəli xəsarətlər alıb. Yaralılar dərhal yaxınlıqdakı xəstəxanalara hospitalizasiya olunublar. Hadisə yerində xilasetmə işləri davam etdirilir, qəzanın başvermə səbəbləri araşdırılır.