Feridun Sinirlioğlu BMT Baş katibi vəzifəsinə namizəd oldu

Türkiyə hazırda Avropada Təhlükəsizlik və Əməkdaşlıq Təşkilatının (ATƏT) Baş katibi vəzifəsini icra edən, sabiq xarici işlər naziri və diplomat Feridun Sinirlioğlunun Birləşmiş Millətlər Təşkilatının (BMT) Baş katibi vəzifəsinə namizədliyini rəsmi olaraq irəli sürüb.

hadiseler.info xəbər verir ki, Türkiyənin BMT-dəki daimi nümayəndəsi, səfir Ahmet Yıldız bildirimiş məktubunun artıq BMT Baş Assambleyasının Sədrliyinə təqdim edildiyini açıqlayıb. O, Prezident Rəcəb Tayyib Ərdoğanın səfir Sinirlioğlunun zəruri keyfiyyətlərini, təcrübəsini və ona olan etimadını nəzərə alaraq bu qərarı məqsədəuyğun hesab etdiyini qeyd edib.

Ahmet Yıldız əlavə edib ki, seçkilərdə hələlik konsensus əldə olunmuş vahid namizəd ortaya çıxmadığı üçün Türkiyə prosesi asanlaşdırmaq məqsədilə öz namizədini irəli sürüb. Latın Amerikası və Karib dənizi regionundan olan diplomatların irəli sürülməsi ənənəsinə hörmətlə yanaşıldığı üçün indiyədək gözlənildiyi də vurğulanıb.

Qeyd edək ki, Feridun Sinirlioğlu 2015-ci ildə Türkiyənin xarici işlər naziri, 2016–2023-cü illərdə isə ölkənin BMT-dəki daimi nümayəndəsi vəzifələrində çalışıb və hazırda ATƏT-in Baş katibi kimi fəaliyyətini davam etdirir.