Türkiyə, Səudiyyə Ərəbistanı və Pakistan arasında müdafiə sahəsində əməkdaşlığı gücləndirəcək strateji sazişin imzalanması gözlənilir. Bu üçtərəfli müqavilə regionda təhlükəsizliyin təmin olunması istiqamətində mühüm addım hesab olunur.
Hadisələr.info “TRT Haber” mediasına istinadən xəbər verir ki, sənədin imzalanma mərasimi bu gün Səudiyyə Ərəbistanının Ciddə şəhərində baş tutacaq. Mərasimdə hər üç ölkənin yüksək səviyyəli nümayəndələri iştirak edəcəklər.
Təhlükəsizlik və müdafiə sənayesi sahəsində tərəfdaşlığın genişləndirilməsini nəzərdə tutan bu addım regional balansı möhkəmləndirməyə hesablanıb. Eyni zamanda, tərəflər birgə hərbi təlimlərin keçirilməsini və müdafiə texnologiyalarının mübadiləsini də planlaşdırırlar.
Türkiyə, Səudiyyə Ərəbistanı və Pakistan liderləri Ciddədə görüşür
Mühüm sazişin imzalanması Türkiyə Prezidenti Rəcəb Tayyib Ərdoğanın Səudiyyə Ərəbistanına birgünlük işgüzar səfəri çərçivəsində reallaşacaq.
Səfər çərçivəsində Türkiyə dövlət başçısının Səudiyyə Ərəbistanının vəliəhd şahzadəsi Məhəmməd bin Salman ilə görüşü nəzərdə tutulub. Bununla yanaşı, Ərdoğan Pakistanın Baş naziri Şahbaz Şərif ilə də bir araya gələcək.
Keçiriləcək yüksək səviyyəli görüşlərdə ikitərəfli və üçtərəfli hərbi-texniki əməkdaşlıq məsələləri ətraflı müzakirə olunacaq. Ekspertlər bildirirlər ki, bu saziş hər üç ölkənin müdafiə potensialını kəskin şəkildə artıracaq.
Other Articles
“Sabah” – “Orhus” oyununun hakimləri dəyişdirildi
Balear adaları sahilində 57 miqrant xilas edildi
No Comment! Be the first one.