Nəriman Axundzadə Türkiyə klubuna transferini şərh etdi

“Ərzurumspor”la müqavilə imzalayan Azərbaycan millisinin forvardı Nəriman Axundzadə yeni klubunun mətbuat xidmətinə açıqlama verib. Hadisələr.info xəbər verir ki, 22 yaşlı hücumçu Türkiyə təmsilçisindəki hədəflərindən və azarkeşlərin dəstəyindən danışıb.

Futbolçu açıqlamasında duyğularını bölüşərək bildirib: “Burada olduğum üçün çox şadam. Super Liqa kimi bir çempionata gəldiyim üçün sevincliyəm. Azərbaycan və Türkiyə mədəniyyət baxımından bir-birinə çox bənzəyir. Mehriban insanlar var. Sosial mediada xoş mesajlar aldım. Klubun prezidenti mənə maraq göstərdi, gəlməyim üçün çalışdı. Bu, məni xoşbəxt etdi. Burada yeni səhifə açmaq istəyirəm. “Ərzurumspor”la anlaşandan sonra fanatlarla da maraqlandım. Stadionda yaxşı atmosfer yaratdılar. Fanatlar gəlməyimi istəyirdi”.

Çünki iki ölkə arasındakı mədəni yaxınlıq və idman əlaqələri azərbaycanlı futbolçuların Türkiyə liqalarında uyğunlaşma prosesini daha da sürətləndirir. Həmçinin klub rəhbərliyinin və azarkeşlərin göstərdiyi diqqət gənc hücumçunun komandada uğurlu çıxış etməsi üçün əlavə motivasiya yaradır.

Qeyd edək ki, 22 yaşlı hücumçu ilə 1 illik icarə müqaviləsi imzalanıb.Lakin o, müqavilə ilə ABŞ-nin “Kolambus Kryu” klubuna məxsusdur.