“Dərnəgül” elektrik deposu qismən istismara verildi – FOTO

Bakı Metropoliteninin infrastrukturunun genişləndirilməsi çərçivəsində “Dərnəgül” elektrik deposunda II mərhələ üzrə işlər tamamlanıb və depo qismən istismara verilib.

hadiseler.info xəbər verir ki, istismara verilmə çərçivəsində bu gün depoda ilk qatarın qəbulu prosesi həyata keçirilib.

Sərnişin sıxlığının aradan qaldırılmasında strateji əhəmiyyətə malik bu nəqliyyat layihəsi 2025–2030-cu illər üzrə Dövlət Proqramına uyğun olaraq reallaşdırılır. Deponun tikintisi üçün ərazi hələ 1986-cı ildə ayrılsa da, əsas tikinti işlərinə 2025-ci ilin aprel ayından başlanılmışdı. 16,5 hektar sahəni əhatə edən depo ərazisində ümumilikdə 16 xidmət obyektinin yaradılması nəzərdə tutulur.