Neftçalanın icra başçısı Sahiloba kəndində səyyar qəbul keçirdi

Neftçala Rayon İcra Hakimiyyətinin başçısı Mirhəsən Seyidov rayonun ucqar Sahiloba kənd sakinləri ilə səyyar qəbul keçirib.

hadiseler.info xəbər verir ki, görüşdə RİH rəhbərliyi, hüquq-mühafizə orqanlarının nümayəndələri, şəhid ailələri və kənd sakinləri iştirak ediblər. Əvvəlcə Ümummilli Lider Heydər Əliyev və şəhidlərimizin xatirəsi bir dəqiqəlik sükutla yad olunub.

Görüşdə ailə institutunun və milli-mənəvi dəyərlərin qorunmasının vacibliyi vurğulanıb, həmçinin “Şəhərsalma və Memarlıq ili” çərçivəsində rayonda aparılan işlər barədə məlumat verilib. Sakinlərin elektrik təsərrüfatı, su kanallarının təmizlənməsi və yolların təmiri ilə bağlı müraciətləri dinlənilib, aidiyyəti qurumlara tapşırıqlar verilib.

Sakinlər Neftçala RİH ilə onlayn və yerində görüşlər üçün “Rəqəmsal İcra Hakimiyyəti” portalından yararlana bilərlər.