Paşinyan açıqladı: Azərbaycanlı mütəxəssislər Ermənistana iki dəfə səfər ediblər

Ermənistan ilə Azərbaycan arasında energetika və kommunikasiya xətləri üzrə ikitərəfli müzakirələr davam edir.

hadiseler.info xəbər verir ki, bu barədə Ermənistanın Baş naziri Nikol Paşinyan keçirdiyi brifinqdə bildirib.

Baş nazir qeyd edib ki, azərbaycanlı mütəxəssislər 2025-ci ilin sentyabrında və 2026-cı ilin yanvarında Ermənistana səfər ediblər. Səfərlər zamanı elektrik ötürücü xətlər, dəmir yolu, boru kəmərləri və digər infrastruktur layihələri üzrə texniki müzakirələr aparılıb. Paşinyan iki ölkə arasında elektrik enerjisinin ixracı və idxalı sahəsində tərəfdaşlığın mümkünlüyünü vurğulayıb.

Xatırladaq ki, Azərbaycan Prezidenti İlham Əliyev avqustun 11-də “AzTV”yə müsahibəsində azərbaycanlı energetiklərin Ermənistan ərazisində təhlil apardıqlarını və elektrik dirəklərinin yerlərini müəyyənləşdirdiklərini bildirmişdi.