Rusiya Ukraynaya kütləvi dron hücumu etdi: 90 PUA vuruldu

Rusiya Silahlı Qüvvələri Krım və Donetsk vilayəti istiqamətlərindən Ukrayna ərazisinə genişmiqyaslı hava hücumu həyata keçirib.

hadiseler.info xarici KİV-ə istinadən xəbər verir ki, hücum zamanı müxtəlif tipli 112 PUA (pilotsuz uçuş aparatı) vasitəsilə Ukrayna əraziləri hədəf alınıb.

Ukrayna Hərbi Hava Qüvvələrindən verilən rəsmi məlumata görə, hava hücumundan müdafiə qüvvələrinin çevik əməliyyatı nəticəsində ölkənin şimal, cənub və şərq vilayətlərində düşmənə məxsus 90 hücum dronu vurularaq zərərsizləşdirilib.

Buna baxmayaraq, hava hücumu vasitələrinin zərbələri 11 müxtəlif nöqtədə, vurulan dronların qalıqlarının düşməsi isə 6 ərazidə dağıntılara səbəb olub.