Ulaş Can Turğut “Neftçi”yə qayıdıb

Yeni mövsümün hazırlıqlarını davam etdirən “Neftçi” basketbol klubu heyətini yeni oyunçu ilə gücləndirib.

hadiseler.info xəbər verir ki, paytaxt təmsilçisi Azərbaycan milli komandasının üzvü Ulaş Can Turğut ilə rəsmi müqavilə imzalayıb. 23 yaşlı hücumçu ilə mövsümün sonunadək anlaşma əldə olunub.

Qeyd edək ki, Ulaş Can Turğut 2024-cü ildə məhz “Neftçi”nin heyətində Azərbaycan Kubokunun qalibi adını qazanıb. Basketbolçu son mövsümdə isə “Gəncə” klubunun şərəfini qoruyub.