İndoneziyada gün ərzində ikincisi: Daha bir güclü zəlzələ baş verdi – VİDEO

İndoneziyada şənbə günü növbəti güclü yeraltı təkan qeydə alınıb.

hadiseler.info xəbər verir ki, Alman Geoelmlər Tədqiqat Mərkəzinin (GFZ) məlumatına görə, Şimali Sumatra bölgəsində 6,4 bal gücündə zəlzələ meydana gəlib. Yeraltı təkanların 158 kilometr dərinlikdə baş verdiyi bildirilir.

Bu, ölkədə gün ərzində qeydə alınan ikinci güclü zəlzələdir. Daha əvvəl Flores adası sahillərində baş verən 7,7 bal gücündə təbii fəlakət nəticəsində binalar dağılıb, azı 38 nəfər həyatını itirib və çoxlu sayıda insan yaralanıb.

Qeyd edək ki, Sakit okeanın “Atəş halqası” seysmik zonasında yerləşən İndoneziya tez-tez şiddətli zəlzələlər və sunami fəlakətləri ilə üz-üzə qalır.