Bakı-Qazax yolunda qəza: TIR-dan 1 ton yanacaq yola dağıldı-FOTO

Bakı-Qazax magistral yolunda yük avtomobilinin iştirakı ilə yol-nəqliyyat hadisəsi baş verib.

hadiseler.info xəbər verir ki, Türkiyə vətəndaşı, 1969-cu il təvəllüdlü S.Hakyeməzin idarə etdiyi “İveco” markalı yük avtomobili (TIR) Qazax istiqamətində hərəkətdə olarkən idarəetmədən çıxıb.

Nəticədə nəqliyyat vasitəsi magistral yolun dəmir arakəsmələrinə çırpılıb. Qəza zamanı xəsarət alan olmasa da, avtomobilə və yol təsərrüfatına ciddi ziyan dəyib. Yük yerində olan dəmir konstruksiyalar və avtomobilin çənindən 1 tona yaxın yanacaq magistral yola dağılıb. Ərazidə təhlükəsizlik tədbirləri görülüb.

Faktla bağlı hüquq-mühafizə orqanları tərəfindən araşdırma aparılır.