Abdullah Zubir “Qarabağ” azarkeşləri ilə vidalaşdı

“Qarabağ” klubundan ayrılan təcrübəli futbolçu Abdullah Zubir sosial şəbəkə hesabında paylaşım edərək azarkeşlərlə və komanda yoldaşları ilə vidalaşıb.

hadiseler.info xəbər verir ki, 34 yaşlı yarımmüdafiəçi uzun illər çıxış etdiyi Ağdam təmsilçisində unudulmaz xatirələr qazandığını bildirib:

“8 ildən sonra mənim üçün yeni mərhələyə başlamağın vaxtıdır. Bütün kluba, komanda yoldaşlarıma, məşqçilər heyətinə və xüsusilə mənim üzərimdə çox böyük rolu olan baş məşqçimə təşəkkür etmək istəyirəm. Mənə göstərdiyi etimada və öyrətdiyi hər şeyə görə minnətdaram. Ən əsası, bütün azarkeşlərə və bütün ölkəyə mənə göstərdikləri inanılmaz sevgiyə görə təşəkkür edirəm. Dəstəyiniz, ehtirasınız və sevginiz bütün bu illər ərzində mənimlə olub”.

Qeyd edək ki, 2018-ci ildən “Qarabağ”ın şərəfini qoruyan Zubir karyerasını Qətərin “Əl-Şahaniya” klubunda davam etdirəcək.