Azərbaycan Ordusunda andiçmə mərasimi keçirildi

Azərbaycan Ordusunda gənc əsgərlərin andiçmə mərasimləri keçirilib.

hadiseler.info xəbər verir ki, tədbirlər Müdafiə nazirinin təsdiq etdiyi illik hazırlıq planına uyğun olaraq təşkil olunub. Hərbi orkestrlərin müşayiəti ilə Döyüş bayraqları təntənəli surətdə sıra meydanlarına gətirildikdən sonra mərasimlər açıq elan edilib.

Mərasimlərdə Ümummilli Lider Heydər Əliyevin və Vətən uğrunda canından keçən şəhidlərin xatirəsi bir dəqiqəlik sükutla yad olunub, Dövlət Himni səsləndirilib. Təntənəli surətdə hərbi andı qəbul edən gənc əsgərlər Vətənə, dövlətə və Ali Baş Komandana sadiq olacaqlarına söz veriblər.

Müdafiə Nazirliyinin nümayəndələri və hərbi hissə komandirləri çıxış edərək gənc əsgərləri təbrik edib, onlara intizamlı xidmət etməyi və silah-texnikanın sirlərini dərindən öyrənməyi tövsiyə ediblər. Andiçmə mərasimləri şəxsi heyətin təntənəli marşla tribunaların önündən keçidi və vətənpərvərlik ruhunda mədəni-kütləvi tədbirlərlə yekunlaşıb.