Bəşər Əsədin əmisi oğlu ölüm hökmünə məhkum edildi

Suriyada məhkəmə ölkənin sabiq prezidenti Bəşər Əsədin əmisi oğlu Vasim Əsəd barəsində ölüm hökmü çıxarıb.

hadiseler.info “Syria TV”yə istinadən xəbər verir ki, Vasim Əsəd hərbi və bəşəriyyətə qarşı cinayətlər kimi qiymətləndirilən çoxsaylı qətllərdə və işgəncələrdə təqsirli bilinib. Məhkəmə bu cinayətlərin 2011-ci ildən davam edən vətəndaş müharibəsi ilə bağlı olduğunu bildirib.

2025-ci ilin iyununda Livandan qayıdarkən həbs edilən V.Əsəd, Əsəd ailəsinin şəxsən ölüm hökmünə məhkum olunan ilk üzvüdür. Bir neçə gün əvvəl isə ölkə xaricində olan Bəşər Əsəd və qardaşı Mahir Əsəd barəsində qiyabi ölüm hökmü çıxarılmışdı.