Şamaxıda “Niva” dərəyə aşdı: İki nəfər həlak oldu

Şamaxı rayonunun Çuxuryurd kəndi ərazisində ölümlə nəticələnən ağır yol-nəqliyyat hadisəsi baş verib.

hadiseler.info FHN-ə istinadən xəbər verir ki, “VAZ-2121” (“Niva”) markalı minik avtomobili idarəetmədən çıxaraq dərəyə aşıb və ağaca çırpılıb. Qəza nəticəsində nəqliyyat vasitəsi kəskin deformasiyaya uğrayıb.

Hadisə yerinə dərhal FHN-in Şamaxı Rayon Yanğından Mühafizə Hissəsinin xilasediciləri cəlb olunub. Həyata keçirilən tədbirlər nəticəsində avtomobildə sıxılıb qalan sürücü, 1951-ci il təvəllüdlü Mətləb Aslanov və sərnişini, 1956-cı il təvəllüdlü Şövkət Aslanovanın meyiti dərədən çıxarılaraq aidiyyəti üzrə təhvil verilib.

Faktla bağlı cinayət işi başlanılıb, araşdırmalar aparılır.