AHİK “Görməyə dəyər” layihəsi çərçivəsində növbəti tibbi aksiya keçirib-FOTOLAR

Azərbaycan Həmkarlar İttifaqları Konfederasiyası (AHİK) üzvlərinin sağlamlığının qorunması məqsədilə növbəti sosial aksiya təşkil olunub.

hadiseler.info xəbər verir ki, “Görməyə dəyər” layihəsi çərçivəsində “Referans Medical Group”un tərəfdaşlığı ilə “Abşeron” sağlamlıq və istirahət mərkəzində pulsuz göz müayinəsi keçirilib. Aksiya zamanı mərkəzdə müalicə alan və istirahət edən 67 həmkarlar ittifaqı üzvü həkim-oftalmoloq tərəfindən müayinə olunub, görmə problemi aşkarlanan şəxslərə müvafiq müalicə təyin edilib. Ümumilikdə bu layihə çərçivəsində indiyədək 370-dək vətəndaş tibbi xidmətlərdən yararlanıb.