Dəniz quldurları Ədən körfəzində iki gəmini ələ keçirdi

Dəniz quldurları Yəmən və Somali sahillərində iki kommersiya gəmisini ələ keçiriblər.

hadiseler.info xəbər verir ki, ilk insident zamanı Eritreya bayrağı altında üzən “Sibu 1” tankeri Yəmən sahillərində 6 silahlı şəxs tərəfindən zəbt olunub. Tankerin göyərtəsində 16-sı Hindistan vətəndaşı olmaqla, ümumilikdə 20 heyət üzvü var.

İkinci hadisə isə Somalinin Puntlend bölgəsi sahillərində qeydə alınıb. Quldurlar Kamerun bayraqlı “Lutuv” yük gəmisini ələ keçirərək başqa istiqamətə yönəldiblər. Bu gəmidə isə 6-sı hindistanlı olmaqla 10 heyət üzvü mövcuddur. Hər iki gəmidəki dənizçilərin təhlükəsizlikdə olduğu bildirilir.