“Qarabağ”ın ulduzu tarix yazdı: Kadi Borgesdən yeni rekord

hadiseler.info Peşəkar Futbol Liqasına istinadən xəbər verir ki, “Qarabağ”ın futbolçusu Kadi Borges Azərbaycan klublarının UEFA Konfrans Liqasındakı ən yaxşı bombardiri olub. Braziliyalı yarımmüdafiəçi turnirdə 6-cı qolunu vurmaqla bu nəticəyə nail olub.

O, turnirin pley-off mərhələsinin “Tvente” ilə Niderlanddakı görüşündə fərqlənərək komandasına qələbə qazandırıb. Bununla da Borges UEFA Konfrans Liqasında “Qarabağ”ın heyətində keçirdiyi 17 matçda 6-cı qolunu vurub. Onun əvvəlki 5 qolu 2021/2022 mövsümünə təsadüf edib. Yarımmüdafiəçi həmin vaxt III təsnifat mərhələsində Kiprin AEL və pley-offda Şotlandiyanın “Aberdin” komandalarına 1, qrup mərhələsində Kipr “Omoniya”sına 2, pley-offda isə Fransanın “Marsel” klubuna 1 qol vurmuşdu.

Bunadək Azərbaycan klublarının UEFA Konfrans Liqasındakı ən yaxşı bombardiri adına 3 şərik var idi. Kadidən başqa bunu bacaran futbolçulardan Coy-Lens Mikels “Sabah”ın, Rafael Utziq isə “Qəbələ” və “Zirə”nin heyətində 5 qol vurmuşdular.

Qeyd edək ki, Kadi Borges “Qarabağ”ın heyətində avrokuboklarda ümumi qol sayını 11-ə çatdırıb.