Boks üzrə keçmiş dünya çempionu Zolani Tete qətlə yetirildi

Cənubi Afrikadan olan boks üzrə keçmiş dünya çempionu Zolani Tete Mdantsane şəhərindəki evinin yaxınlığında qətlə yetirilib.

hadiseler.info SABC radiostansiyasına istinadən xəbər verir ki, 38 yaşlı boksçu məşqdən qayıdarkən evinin qarşısında maskalı iki şəxsin silahlı hücumuna məruz qalıb. Avtomobilə açılan atəş nəticəsində Z.Tete yerindəcə həyatını itirib, yanındakı qadın isə ağır yaralanaraq xəstəxanaya yerləşdirilib.

Qeyd edək ki, Zolani Tete IBF və WBO versiyaları üzrə dünya çempionu olub. O, 2017-ci ildə titul döyüşündə rəqibini 11 saniyəyə nokaut edərək Ginnesin Rekordlar Kitabına düşmüşdü. Polis hücum edən şəxslərin axtarışını davam etdirir.