Paşinyandan Rusiya etirafı: “Təhlükəsizlik təminatçısı rolu məhduddur”

Ermənistan-Rusiya münasibətlərində baş verən dəyişikliklər Azərbaycanla sülh prosesi və Türkiyə ilə münasibətlərin normallaşması fonunda təbii bir prosesdir.

hadiseler.info xəbər verir ki, bu fikirləri Ermənistanın Baş naziri Nikol Paşinyan parlamentdəki çıxışı zamanı səsləndirib.

Paşinyanın sözlərinə görə, Ermənistan-Rusiya münasibətləri Azərbaycanla münaqişə şəraitində fərqli, Bakı ilə sülhün və Ankara ilə əlaqələrin normallaşmasının mümkün olduğu yeni reallıqda isə tamamilə başqa xarakter daşıyır.

Baş nazir vurğulayıb ki, Rusiya uzun illər ərzində Ermənistanın təhlükəsizliyinin əsas təminatçısı hesab olunub. Lakin 2021–2023-cü illərdə yaşanan hadisələr Moskvanın bu missiyanı icra etmək imkanlarının müəyyən məqamlarda məhdud olduğunu aydın şəkildə nümayiş etdirib.