İmişlidə toyda dəhşət: 25 yaşlı gənc qəfildən dünyasını dəyişdi

İmişli rayonunda keçirilən toy mərasimində bədbəxt hadisə baş verib.

hadiseler.info xəbər verir ki, hadisə avqustun 23-ü saat 23 radələrində İmişli şəhərinin Həsənoğlu küçəsində yerləşən “Nərgizim” şadlıq sarayında qeydə alınıb.

Məmmədəli kənd sakini, 2001-ci il təvəllüdlü Teymur Bayram oğlu Bayramlının səhhəti qəfildən pisləşib. Şahidlərin sözlərinə görə, 25 yaşlı gənc ürəktutmasından həyatını itirib.

Faktla bağlı müvafiq qurumlar tərəfindən araşdırma aparılır.