85 min əlilliyi olan şəxsə reabilitasiya xidməti göstərilib

Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyi bu ilin yanvar-iyul aylarında əlilliyi olan 85 min şəxsi reabilitasiya xidmətləri ilə təmin edib.

hadiseler.info xəbər verir ki, bu barədə ƏƏSMN-dən məlumat verilib.

Məlumata görə, müraciət edənlərdən 45,2 min şəxsə ambulator, 20,9 min şəxsə stasionar və icma əsaslı, digərlərinə isə səyyar, onlayn və sosial-psixoloji istiqamətlərdə reabilitasiya xidmətləri göstərilib.

Müəssisələrdə ənənəvi üsullarla yanaşı, robotik reabilitasiya, yoqa, hippoterapiya və rəqs terapiyası kimi müasir metodlardan da geniş istifadə olunur.