ABŞ 200 minə qədər turist və iş vizasını ləğv edir

ABŞ Prezident administrasiyası ölkədə sığınacaq üçün müraciət etmiş və ya bu prosesdə olan əcnəbilərə məxsus 200 000-ə qədər turist və iş vizasını ləğv etməyi planlaşdırır.

hadiseler.info “Associated Press” agentliyinə istinadən xəbər verir ki, qısamüddətli vizalarla ABŞ-yə gələrək sonradan ölkədə daimi qalmaq məqsədilə sığınacaq istəyən şəxslərin qeyri-immiqrasiya vizalarının ləğvi üçün müvafiq qurumlar arasında koordinasiya işləri aparılır.

Məlumata görə, ABŞ Dövlət Departamenti tərəfindən həyata keçiriləcək bu qərar son 10 ildə verilmiş “B1/B2” turist və işgüzar vizalarına şamil olunacaq.

Vizaları ləğv edilən əcnəbilərin gələcəkdə turist və ya işgüzar məqsədlərlə ABŞ-yə giriş imkanları məhdudlaşdırılacaq.