Türkiyə ABŞ-nin Suriya ilə bağlı qərarını alqışladı

Türkiyə Xarici İşlər Nazirliyi (XİN) ABŞ-nin Suriyanı terrorizmə dəstək verən dövlətlər siyahısından çıxarmaq barədə qərarını məmnuniyyətlə qarşılayıb.

hadiseler.info xəbər verir ki, Türkiyə XİN verdiyi bəyanatda ABŞ Administrasiyasının və Konqresinin bu istiqamətdəki konstruktiv mövqeyini yüksek qiymətləndirdiyini bildirib.

Bəyanatda Suriya hökuməti və xalqı təbrik edilərək vurğulanıb ki, bu addım ölkənin iqtisadi baxımdan bərpası və yenidən qurulması qarşısındakı ən böyük maneələrdən birini aradan qaldırır. Ankara bu qərarın Suriyanın beynəlxalq ictimaiyyətlə inteqrasiyasına, bölgədə təhlükəsizlik və sabitliyin davamlı təmin olunmasına mühüm töhfə verəcəyinə inamını ifadə edib.