Hindistanda tələbə etirazları kütləvi toqquşmaya çevrildi-VİDEO

Hindistanın şimal-şərqində yerləşən Bixar ştatında tələbələrin keçirdiyi aksiya polislə kütləvi toqquşma ilə nəticələnib.

hadiseler.info xəbər verir ki, bu barədə “The Indian Express” nəşri məlumat yayıb. Etirazlara dövlət qulluğuna qəbul imtahanları zamanı qanun pozuntularına yol verilməsi və imtahan sənədlərinin sızması iddiaları səbəb olub. Tələbələr imtahan nəticələrinin ləğv edilməsini tələb ediblər.

Məlumata görə, yüzlərlə tələbə və işsiz gənc Patna şəhərindəki Qandi-Maydan meydanından ştatın baş naziri Samrat Çoudharinin iqamətgahına doğru yürüşə başlayıb. Polis etirazçıların qarşısını kəsmək üçün xüsusi barrikadalar qursa da, nümayişçilər canlı sədləri yararaq keçməyə cəhd ediblər. Əraziyə nəzarəti bərpa etmək üçün hüquq-mühafizə orqanlarının əməkdaşları aksiyanı su şırnaqları və rezin dəyənəklərlə dağıdıb.