ABŞ immiqrasiya vizalarının verilməsini müvəqqəti saxlayıb

ABŞ Prezidenti Donald Trampın administrasiyası sərtləşdirilən immiqrasiya siyasəti çərçivəsində immiqrasiya vizaları üçün müraciətlərə baxılmasını dayandırıb.

hadiseler.info xəbər verir ki, “Reuters”in ABŞ Dövlət Departamentinin nümayəndəsinə istinadən verdiyi məlumata görə, ölkənin dünyadakı bütün səfirlik və konsulluqlarında qlobal təlim tədbirlərinə başlanılıb. Bununla əlaqədar təlim başa çatana qədər viza xidmətləri üçün müraciətlərin qəbulu və görüşlərin təyin olunması müvəqqəti olaraq mümkün olmayacaq.

Tramp administrasiyası deportasiyaların artırılması və miqrasiya qaydalarının sərtləşdirilməsi istiqamətində genişmiqyaslı kampaniyanı davam etdirir. Bu siyasət viza və yaşıl kartların ləğv edilməsini, həmçinin siyasi baxışlar və Fələstin tərəfdarı aksiyalarda iştirak da daxil olmaqla müxtəlif səbəblərlə müraciətlərin rədd edilməsini nəzərdə tutur.

ABŞ administrasiyası tətbiq edilən bu yeni tədbirlərin daxili təhlükəsizliyin gücləndirilməsi məqsədi taşıdığını bildirir.