Nigar Fərhad saxlanıldı

“AİD Group” xaricdə təhsil şirkətinin təsisçisi, aparıcı Nigar Fərhad Nəsimi Rayon Polis İdarəsinin əməkdaşları tərəfindən saxlanılıb.

hadiseler.info xəbər verir ki, onun tutulmasına daxil olmuş çoxsaylı vətəndaş şikayətləri səbəb olub. N.Fərhad artıq başlanmış cinayət işi üzrə təqsirləndirilən şəxs qismində cəlb edilib. Gün ərzində onun barəsində həbs qətimkan tədbirinin seçilməsi üçün məhkəməyə təqdimat veriləcəyi gözlənilir.

Qeyd edək ki, bir müddət əvvəl eyni məsələ ilə bağlı şirkətin faktiki rəhbəri və Nigar Fərhadın həyat yoldaşı Samir Yəhyazadə də həbs olunub. Əksəriyyəti tələbələrdən ibarət olan zərərçəkənlər xaricdə təhsil almaq adı ilə verdikləri pulları geri ala bilmədiklərini bildirirlər. Şirkətlə bağlı şikayətlərin sayısı artmaqdadır.