Fransada sürücü qəsdən piyadaları vurdu – 2 ölü, 10 yaralı-VİDEO

Fransanın Kann şəhərində avtomobilin piyadaların üstünə sürülməsi nəticəsində ağır yol-nəqliyyat hadisəsi baş verib.

hadiseler.info xarici mediaya istinadən xəbər verir ki, dəmiryolu vağzalı ilə üzbəüz ərazidə nəqliyyat vasitəsinin bir qrup insana çırpılması nəticəsində 2 nəfər həlak olub, 10 nəfər isə müxtəlif dərəcəli xəsarətlər alıb. Xəsarət alanlardan 7 nəfərin vəziyyətinin ağır olduğu bildirilir.

Nəqliyyat vasitəsini qəsdən insanların üzərinə sürən 26 yaşlı sürücü hüquq-mühafizə orqanları tərəfindən saxlanılıb. Şəhər prokurorluğundan verilən məlumata görə, ilkin mərhələdə hadisədə terror motivi müşahidə olunmur. Polis təhlükəsizlik kameralarının görüntülərini araşdırır, istintaq tədbirləri davam etdirilir.