Çin-Nepal sərhədində daşqında itkin düşənlərin sayı 1458 nəfərə çatdı

hadiseler.info bildirir ki, Çin və Nepalın həmsərhəd bölgələrində tüğyan edən şiddətli daşqınlar və torpaq sürüşmələri fəlakətin miqyasını hər an daha da böyüdür. BBC News-a istinadən əldə edilən son məlumatlara görə, bölgədə itkin düşənlərin ümumi sayı artıq 1458 nəfərə çatıb.  

Fəlakət zonalarında axtarış-xilas etmə işləri fəal şəkildə davam etdirilsə də, tələfatın sayı yüksəlməkdədir. Belə ki, Nepal ərazisində 900 nəfərin itkin düşdüyü, həlak olanların sayının isə 359 nəfərə çatdığı təsdiqlənib. Sərhədin digər tərəfində — Tibet bölgəsində isə 558 nəfər itkin düşüb, 3 nəfərin isə cansız bədəni tapılıb.  

Hadisənin ən dəhşətli tərəflərindən biri də fəlakət anında ərazidə olan yüzlərlə xarici turistlə rabitənin kəsilməsidir. İtkin düşənlər arasında 178 Hindistan, 127 Nepal, 65 ABŞ və 33 Böyük Britaniya vətəndaşı var. Eyni zamanda, xilasetmə və təhlükəsizlik tədbirlərinə cəlb olunmuş onlarla hərbçi və polis əməkdaşından da xəbər almaq mümkün olmur.