Azərbaycan vətəndaşı Gürcüstanda saxlanıldı- VİDEO

Gürcüstanda İnterpolun “Qırmızı Xəbərdarlıq” sistemi ilə beynəlxalq axtarışda olan Azərbaycan vətəndaşı tutulub.  

hadiseler.info xəbər verir ki, bu barədə Gürcüstanın Daxili İşlər Nazirliyi məlumat yayıb.  

DİN-in Patrul Polisi Departamentinin əməkdaşları Azərbaycan hüquq-mühafizə orqanlarının sorğusu əsasında əməliyyat keçiriblər. Xuliqanlıq və özgənin əmlakına qəsdən ziyan vurmaqda ittiham olunan şəxs Gürcüstan-Türkiyə sərhədində yerləşən Sarpi gömrük-keçid məntəqəsinin ərazisində saxlanılıb.  

Hazırda saxlanılan şəxslə bağlı qanunvericiliyə uyğun olaraq ekstradisiya prosedurları həyata keçirilir.