Rusiya Ukraynanın logistika və liman infrastrukturuna kütləvi zərbələr endirdi

Rusiya Silahlı Qüvvələri Ukraynanın bir sıra strateji logistika mərkəzlərinə və dəniz limanlarına qrup zərbələri həyata keçirib.

hadiseler.info xəbər verir ki, bu barədə Rusiya Müdafiə Nazirliyi məlumat yayıb.

Nazirliyin açıqlamasına əsasən, Kiyev və Kiyev vilayətində yerləşən logistika obyektləri hədəfə alınıb. “FIM Service” nəqliyyat-logistika mərkəzində Ukrayna Silahlı Qüvvələrinin “Flamingo” uzaqmənzilli qanadlı raketləri üçün komponentlərin saxlandığı, Kalınovkadakı gömrük terminalı olan logistika mərkəzində isə Qərbdən daxil olan hərbi yüklərin emal edildiyi bildirilir. Həmçinin Mila kəndində “Fire Point” müəssisəsinə məxsus, FP-1 və FP-2 PUA-ları üçün komponentlərin saxlandığı sursat anbarı vurulub.

Zərbələrin digər hissəsi liman infrastrukturuna yönəlib. İzmail limanında ordunun yanacaq tankerlərinin dayanacaq və boşaltma sahələri, Nikolayev limanında isə dəniz yük terminalı, hərbi yüklərin logistika mərkəzləri, 18 anbar və 3 yanacaq-sürtkü materialı saxlama obyekti hədəf alınıb.

Bundan əlavə, Rusiya tərəfi gece ərzində 313 Ukrayna PUA-sının məhv edildiyini açıqlayıb. Ukrayna tərəfi bu iddiaları hələlik təsdiqləməyib.