Tramp: “ABŞ və Venesuela tarixin ən böyük neft razılaşmasını əldə etdi”-FOTO

Amerika Birləşmiş Ştatlarının Prezidenti Donald Tramp Vaşinqton və Venesuela arasında dünya tarixindəki ən irimiqyaslı neft müqaviləsinin imzalandığını bəyan edib.

hadiseler.info xəbər verir ki, Tramp “Truth Social” platformasındakı rəsmi hesabında ABŞ-nin Venesuela ilə tarixi bir razılaşmaya imza atdığını vurğulayıb.

Dövlət başçısının sözlərinə əsasən, Dövlət katibi Marko Rubio, Pentaqon rəhbəri Pit Heqset, Venesuelanın keçid dövrü prezidenti Delsi Rodriges və özəl sektorun ortaq səyləri nəticəsində “amerikalı vergiödəyicilərin heç bir vəsaiti xərclənmədən” 65 milyard bareldən çox təsdiqlənmiş Venesuela neft ehtiyatı ABŞ-nin nəzarətinə keçib. Tramp bu addımın ABŞ-nin neft ehtiyatlarını ikiqat artıracağını, tədarükü kəskin yüksəldəcəyini və benzin qiymətlərini ucuzlaşdıracağını bildirib.

ABŞ dövlət katibi Marko Rubio isə sosial şəbəkə hesabında qeyd edib ki, müqavilə Venesuela iqtisadiyyatına təxminən 100 milyard dollar gəlir gətirəcək və hər iki ölkə üçün “nəhəng qələbə” hesab olunur.