İslandiyalıların yarıdan çoxu Aİ-yə qoşulmağın əleyhinə səs verib

İslandiyada Avropa İttifaqına (Aİ) daxil olmaqla bağlı referendumun ilkin nəticələri açıqlanıb.

hadiseler.info xəbər verir ki, RUV telekanalının ölkənin altı seçki dairəsindən beşindəki səslərin nəticələrinə əsasən yaydığı məlumata görə, Avropa inteqrasiyasının əleyhdarları səs çoxluğu qazanırlar.

Referendumda seçicilərin 52,5%-i (99.000-dən çox insan) danışıqların bərpasının əleyhinə, 47,5%-i (təxminən 89.500 nəfər) isə birliyə qoşulmağın lehinə səs verib. Danışıqların əleyhinə olan tərəf Aİ üzvlüyünün digər ölkələrə İslandiya sularında balıq ovu hüququ verəcəyindən narahatlığını ifade edir.

İslandiya ilk dəfə 2009-cu ildə Aİ-yə üzvlük müraciəti etsə də, proses 2013-cü ildə dayandırılıb. Ölkə hazırda Şengen zonası və Avropa İqtisadi Zonasının üzvüdür.