Ərdoğana da Bişkekdə oyuncaq bəbir hədiyyə edildi

Türkiyə Prezidenti Rəcəb Tayyib Ərdoğan Şanxay Əməkdaşlıq Təşkilatının (ŞƏT) 25 illiyinə həsr olunmuş Zirvə Görüşündə iştirak etmək üçün Qırğızıstana işgüzar səfərə gəlib.  

hadiseler.info xəbər verir ki, Ərdoğan və həyat yoldaşı Əminə Ərdoğanı “Manas” Beynəlxalq Hava Limanında Qırğızıstan Respublikası Nazirlər Kabinetinin sədri Adılbek Kasımalıyev qarşılayıb.

Qarşılanma mərasimində Türkiyə dövlət başçısına və həyat yoldaşına Qırğızıstanın və VI Dünya Köçəri Oyunlarının simvolu olan oyuncaq bəbir hədiyyə olunub.  

Qeyd edək ki, avqustun 31-i və sentyabrın 1-də Bişkekdə Qırğızıstanın təşkilata sədrliyi çərçivəsində ŞƏT-in növbəti sammiti keçiriləcək.