Leysan yağacaq, dolu düşəcək

Milli Hidrometeorologiya Xidməti ölkə ərazisində gözlənilən əlverişsiz hava şəraiti ilə bağlı növbəti xəbərdarlığını yayıb.

hadiseler.info xəbər verir ki, sentyabrın 1-i gündüz saatlarından başlayaraq 2-si axşamadək bəzi dağlıq və dağətəyi rayonlarda havanın fasilələrlə yağıntılı keçəcəyi gözlənilir. Ayrı-ayrı yerlərdə yağışın qısamüddətli leysan xarakterli olacağı, şimşək çaxacağı və dolu düşəcəyi ehtimal olunur.

Gözlənilən leysan yağışları ilə əlaqədar çaylarda sululuğun artacağı, bəzi dağ çaylarından isə qısamüddətli sel keçəcəyi istisna edilmir.