İlham Əliyev: “Azərbaycan-Qırğızıstan münasibətləri ən yüksək səviyyəyə yüksəlib”  

Azərbaycan Respublikasının Prezidenti İlham Əliyev “ŞƏT plyus” formatında keçirilən görüşdəki çıxışı zamanı Azərbaycan və Qırğızıstan arasındakı strateji əlaqələrdən danışıb.  

hadiseler.info xəbər verir ki, dövlət başçısı ilk növbədə dəvətə və göstərilən qonaqpərvərliyə görə Qırğızıstan Respublikasının Prezidentinə təşəkkürünü bildirərək qardaş ölkəyə yenidən səfər etməkdən məmnunluğunu ifadə edib. Prezident xatırladıb ki, bir ay əvvəl dövlət səfəri çərçivəsində imzalanmış Müttəfiqlik münasibətləri haqqında müqavilə iki ölkə arasındakı əlaqələri ən yüksək səviyyəyə qaldırıb.  

Dövlət başçısı Qırğızıstan Prezidentini və xalqını sosial-iqtisadi inkişaf sahəsindəki uğurları və beynəlxalq müstəvidə nüfuzunun artması münasibətilə təbrik edib. İlham Əliyev vurğulayıb ki, Qırğızıstanın 2027–2028-ci illər üçün BMT Təhlükəsizlik Şurasının qeyri-daimi üzvlüyünə seçilməsi beynəlxalq ictimaiyyətin ölkənin yürütdüyü siyasətə verdiyi böyük dəstəyin aydın göstəricisidir.