Paşinyan Rusiya ilə viza rejiminin tətbiqi iddialarına cavab verdi

Ermənistan Rusiya vətəndaşları üçün viza rejiminin tətbiq edilməsi niyyətində olmadığını bəyan edib.

hadiseler.info xəbər verir ki, bu barədə Ermənistanın Baş naziri Nikol Paşinyan keçirdiyi brifinqdə bildirib.

Rusiya Xarici İşlər Nazirliyinin rəsmi nümayəndəsi Mariya Zaxarovanın müvafiq açıqlamasını şərh edən Paşinyan belə bir addımın Moskvaya deyil, İrəvanın özünə zərər vuracağını vurğulayıb. Baş nazir Ermənistanın heç vaxt Rusiya ilə viza rejiminin tətbiqi kimi bir ideyasının və ya niyyətinin olmadığını diqqətə çatdırıb.