17 yaşlı azərbaycanlı futbolçu “Qalatasaray”a transfer olundu

Azərbaycanlı gənc müdafiəçi Can Hacıyev Türkiyənin nəhəng klubu “Qalatasaray” ilə müqavilə imzalayıb.  

hadiseler.info xəbər verir ki, 17 yaşlı futbolçu növbəti iki mövsüm ərzində İstanbul təmsilçisinin U-19 komandasının şərəfini qoruyacaq. Sözügedən komanda UEFA Gənclər Liqasında mübarizə aparır.  

Ötən mövsümü İsveçrənin “Sion” klubunun gənclər heyətində keçirən 1,87 metr boya malik gənc oyunçu həm sağ cinah, həm də mərkəz müdafiəçisi mövqeyində çıxış edə bilir. Qeyd edək ki, Türkiyə və Qazaxıstan futbol federasiyaları da Can Hacıyevi öz milli komandalarına cəlb etmək istəyiblər.