ABŞ-də 75 ölkəyə qoyulan viza qadağası ləğv edildi

ABŞ federal hakimi yanvar ayında 75 ölkənin vətəndaşları üçün tətbiq edilən immiqrant viza prosedurlarının dondurulması qərarını qanunsuz elan edib.

hadiseler.info “LeMonde.fr”ə istinadən xəbər verir ki, Nyu-York məhkəməsinin hakimi Canet Varqas (Janet Vargas) bu addımın qanunvericiliyə zidd olduğunu və dövlət katibi Marko Rubionun (Marco Rubio) səlahiyyət həddini aşdığını bildirib.

Sözügedən viza qadağası yanvarın 21-dən etibarən immiqrant vizaları üçün qüvvədə idi. Məhdudiyyətlər Rusiya, Misir, İran, İraq, Əfqanıstan, Braziliya, Nigeriya, Somali, Tayland və Yəmən də daxil olmaqla ümumilikdə 75 ölkənin vətəndaşlarına şamil olunurdu. Qərardan sonra həmin ölkələrin vətəndaşlarının viza müraciətlərinin baxılması bərpa ediləcək.