ABŞ İranın 2 katerini raket zərbəsi ilə məhv etdi — CENTCOM rəsmisindən açıqlama

ABŞ Silahlı Qüvvələrinin Mərkəzi Komandanlığı (CENTCOM) İran İslam İnqilabı Keşikçiləri Korpusunun (SEPAH) iki katerinin vurularaq məhv edildiyini açıqlayıb.

hadiseler.info xəbər verir ki, bu barədə məlumatı CENTCOM nümayəndəsi kapitan Tim Hokins təsdiqləyib.

Hokinsin bildirdiyinə görə, əməliyyat İranın kiçik gəmilərinin ABŞ Hərbi Dəniz Qüvvələrinə məxsus pilotsuz dəniz aparatını ələ keçirməyə cəhd etməsindən sonra reallaşıb. CENTCOM qüvvələrinin qətiyyətli cavab raket zərbəsindən sonra İran tərəfinin bu cəhdi boşa çıxıb və dron tam olaraq ABŞ komandanlığının nəzarətində qalıb.

İran mediası isə baş verən insidentlə bağlı fərqli məlumat yayaraq vurulan gəmilərin balıqçı qayıqları olduğunu və bir neçə balıqçının itkin düşdüyünü iddia edib. Yaranan gərginlikdən sonra ABŞ rəsmisi Hərbi Dəniz Qüvvələrinin tankerləri Hörmüz boğazından müşayiət etmə cədvəlini dəyişərək əməliyyatları təkcə gecə saatlarında deyil, artıq gündüz vaxtlarında da həyata keçirməyə başladıqlarını diqqətə çatdırıb.