ABŞ nəhəngləri ilk dəfə Bakıdakı “ADEX 2026” silah sərgisində iştirak edəcək

Bakıda keçiriləcək “ADEX 2026” müdafiə sərgisində ABŞ-nin dünyaca məşhur hərbi şirkətləri ilk dəfə debüt edəcək.

hadiseler.info xəbər verir ki, təşkilat komitəsinin yaydığı məlumata əsasən, sərgidə 20-dən çox ölkədən 200-dən artıq şirkət iştirakını təsdiqləyib.

Bu il sərgidə ABŞ-nin “SIG SAUER” və “Lockheed Martin”, Almaniyanın isə “Rheinmetall” kimi nüfuzlu şirkətləri ilk dəfə təmsil olunacaq. Böyük Britaniya və Almaniya da “ADEX”ə ilk dəfə qoşulan ölkələr sırasındadır.

Sərgidə Türkiyənin “ROKETSAN” (baş sponsor), “ASELSAN”, “BAYKAR”, “TAI”, “HAVELSAN”, İtaliyanın “Leonardo”, BƏƏ-nin “EDGE Group”, İspaniyanın “INDRA” və Çexiyanın “Excalibur Army” kimi nəhəng brendləri də yer alacaq. Bundan başlqa, Belarus, Çexiya, İtaliya, Türkiyə və Slovakiya öz milli stendləri ilə çıxış edəcəklər.