Aeroport yolunda ağır qəza: Marşrut avtobusu “Opel”lə toqquşdu – VİDEO

Ötən gece paytaxtın Suraxanı rayonu ərazisində — ictimaiyyət arasında Aeroport yolu kimi tanınan şossedə ağır yol-nəqliyyat hadisəsi baş verib.

hadiseler.info xəbər verir ki, 150 nömrəli marşrut xətti üzrə hərəkətdə olan sərnişin avtobusu ilə “Opel” markalı minik avtomobili toqquşub.

Qəzanın gücündən hər iki nəqliyyat vasitəsinə ciddi ziyan dəyib. Hadisə yerinə hüquq-mühafizə orqanlarının əməkdaşları cəlb olunub.

Faktla bağlı aidiyyəti qurumlar tərəfindən araşdırma aparılır.