Aleksandr Vuçiç Vladimir Putinlə qaz tədarükünü müzakirə etdi

Serbiya Prezidenti Aleksandr Vuçiç Rusiya Prezidenti Vladimir Putinlə təxminən bir saat davam edən telefon danışığı aparıb.

hadiseler.info xəbər verir ki, bu barədə Vuçiç sosial şəbəkə hesabında paylaşım edib.

Liderlər ikitərəfli münasibətləri, regionda baş verən prosesləri və Ukraynadakı münaqişəni ətraflı müzakirə ediblər. Danışıqlar zamanı əsas diqqət enerji əməkdaşlığına, xüsusilə də sentyabrın 30-da müddəti başa çatacaq qaz müqaviləsinə yönəldilib. Serbiya dövlət başçısı bu söhbətdən sonra müqavilənin uzadılacağına və ölkəsinin sabit qaz təchizatının təmin olunacağına əminliyini ifadə edib.