Ali təhsil müəssisələrinin qəbul planı 97,07% dolub

Dövlət İmtahan Mərkəzinin (DİM) İdarə Heyətinin sədri Məleykə Abbaszadə ali təhsil müəssisələrinə tələbə qəbulunun yekun nəticələri barədə geniş məlumat verib.

hadiseler.info xəbər verir ki, DİM sədri bu il ali təhsil müəssisələrinin müsabiqəsində 87 146 nəfərin iştirak etdiyini bildirib.

İmtahan nəticələrinə əsasən, 58 947 nəfər (o cümlədən 4 215 subbakalavr) tələbə adını qazanıb. Qəbul olanlardan 28 108 nəfəri dövlət sifarişi, 317 nəfəri dövlət hesablı, 30 522 nəfəri isə ödənişli əsaslarla təhsil almaq hüququ əldə edib. Beləliklə, ali təhsil müəssisələrinin qəbul planı 97,07% nisbətində dolub. Boş qalan yerlərə əlavə ixtisas seçimindən sonra bu göstəricinin daha da yüksələcəyi gözlənilir.

Məleykə Abbaszadə qeyd edib ki, ötən illə müqayisədə bu il tələbə adını qazananların sayı 1 711 nəfər, dövlət sifarişi ilə qəbul olunanların sayı isə 290 nəfər artıb.