AQTA Lənkəranda qanunsuz quş kəsimi müəssisəsini bağlayıb

hadiseler.info xəbər verir ki, Azərbaycan Respublikasının Qida Təhlükəsizliyi Agentliyi Lənkəran rayonunun Sütəmurdov kəndində fəaliyyət göstərən toyuq kəsimi müəssisəsində yoxlama keçirib. Rüfət Hüseynova məxsus obyektdə qida təhlükəsizliyi sahəsində normativ tələblərin kobud şəkildə pozulduğu bəlli olub.

Aşkar edilən nöqsanlar arasında kəsim sexinin icazəsiz fəaliyyət göstərməsi, diri quşların müşayiətedici sənədlərinin olmaması və kəsimin baytarlıq-sanitariya nəzarətindən kənar antisanitar şəraitdə aparılması yer alıb.

Yoxlama çərçivəsində götürülən məhsul nümunələri laborator müayinələrə yönəldilib. Aşkar olunmuş qayda pozuntuları ilə bağlı müəssisənin fəaliyyəti məhdudlaşdırılıb və sahibkar barəsində inzibati protokol tərtib edilib.