Yasamalda qazılan yolun bərpa olunmama səbəbi açıqlanıb  

hadiseler.info xəbər verir ki, Yasamal rayonu, Abbas Mirzə Şərifzadə küçəsində AZƏRTAÇ xəbər agentliyinin də diqqətdə saxladığı magistral istilik xəttinin bərpa işlərindən sonra yolun asfaltlanmaması sürücülər və sakinlər arasında narazılığa səbəb olub.

Yaranan vəziyyətlə bağlı Azəristiliktəchizat ASC qurumunun mətbuat katibi Elvin Basqallı açıqlama verib. O bildirib ki, qazıntı aparılan sahədə kipləşdirmə və torpaq qatının oturması prosesi texniki normativlərə uyğun olaraq həyata keçirilir.

Qurum rəsmisinin sözlərinə görə, yolun tam bərkiməsi üçün 2-3 gün gözləmə müddəti tələb olunur. Kipləşdirmə prosesi başa çatdıqdan dərhal sonra əraziyə yeni asfalt örtüyü çəkiləcək.