Armen Qriqoryan Paşinyanın iş təklifini geri çevirdi

Ermənistan Təhlükəsizlik Şurasının sabiq katibi Armen Qriqoryan Baş nazir aparatında vəzifə tutmaqdan imtina edib.

hadiseler.info xəbər verir ki, bu barədə Ermənistanın Baş naziri Nikol Paşinyan keçirdiyi brifinqdə bildirib.

Paşinyan Qriqoryana Baş nazirin aparatında iş təklif etdiyini, lakin onun dövlət karyerasında fasilə vermək istədiyini deyib: “Mən onun bu qərarına anlayış və hörmətlə yanaşıram”.

Qeyd edək ki, Təhlükəsizlik Şurasının katibi vəzifəsinə parlamentin sabiq sədri Alen Simonyan təyin edilib.