Avqustun ilk yarısında 11 mindən çox uşağa peyvənd vurulub

TƏBİB tərəfindən təsdiq olunmuş İmmunizasiya üzrə Tədbirlər Planına uyğun olaraq ölkə üzrə uşaqların peyvəndlənməsi prosesi davam etdirilir.

hadiseler.info xəbər verir ki, avqustun 1–15 tarixlərində 11 504 uşağa ümumilikdə 15 893 peyvənd tətbiq olunub. Layihə çərçivəsində ilkin səhiyyə müəssisələrində uşaqların immunizasiya statusu qiymətləndirilir, peyvənddən kənarda qalanlar müəyyən olunur və valideynlər arasında maarifləndirmə işləri aparılır.

Qeyd edək ki, immunizasiya prosesinin keyfiyyətini artırmaq məqsədilə iyul ayında keçirilən təlimlərə 1 435 tibb işçisi cəlb olunub.