Azərbaycan atleti Avropa çempionatında ölkə rekordunu yenilədi

İngiltərənin Birmingem şəhərində keçirilən atletika üzrə Avropa çempionatında Azərbaycan milli komandasının üzvü Yekaterina Sariyeva uğurlu çıxış edib.

hadiseler.info bildirir ki, üç təkanla tullanma növündə mübarizə aparan atletimiz 13,91 metr nəticə göstərib.

Bu nəticə final mərhələsinə vəsiqə qazanmaq üçün kifayət etməsə də, Sariyevaya yeni ölkə rekordunu imza atmağa imkan verib.

Qeyd edək ki, 13,89 metr göstərici ilə əvvəlki ölkə rekordu da Yekaterina Sariyevanın özünə məxsus idi.