Azərbaycan və Özbəkistanda keçiriləcək dünya çempionatını müzakirə etdilər

Özbəkistan Prezidenti Şavkat Mirziyoyev FIFA-nın prezidenti Canni İnfantinonu qəbul edib.

hadiseler.info xəbər verir ki, görüşdə Özbəkistan və Azərbaycanın gələn il 20 yaşadək futbolçular arasında dünya çempionatına ev sahibliyi etməsi əsas müzakirə mövzusu olub.

Tərəflər futbolun, xüsusilə də gənclər arasında kütləviləşdirilməsi, istedadlı oyunçuların üzə çıxarılması, eləcə də məşqçi, hakim, menecer, həkim və digər idman mütəxəssislərinin hazırlanması sahəsində əməkdaşlığın genişləndirilməsini nəzərdən keçiriblər.

Görüş zamanı həmçinin Özbəkistanda FIFA-nın irimiqyaslı turnir və tədbirlərinin keçirilməsi, eləcə də qurumun Daşkənddə regional nümayəndəliyinin açılması prosesinin sürətləndirilməsi məsələlərinə diqqət yetirilib.